હા નથી મારુ એવું નસીબ , જોઈ શકું તને ત્યારે જયારે તું થાકીને બેડ પર સુવા પડે ,ઊંઘ ભરેલી આંખે અને સાવ ધીમા અવાજે વાતો કરે ,
વિખરાયેલા વાળ અને આળસ મરડતા, નથી જોયો મેં તને ક્યારેય ઊંઘ માંથી ઉઠતા ...
નથી તારા પડખા માં વિતાવી એકેય રાતો ...અને નથી કરી આથમતા સુરજે ચા ના કપ સાથે તારી જોડે વાતો ,
નથી તારા સ્પર્શ થી સફાળી જાગી ..કે તારા આવવા ની રાહ જોઈ ને બારણે હું ભાગી..
નથી મારા નસીબ માં તું આમ જ કોતરાયો...બસ ક્યારેક મળે મને તારો ઓછાયો ...
કોઈક વાર ઓછું આવે છે મને ,
પણ મન પાછું જાણે છે મને ...
નથી મળ્યા ની માયૂસી નથી .
જે મળ્યું એય ક્યાં ખુશી નથી?...