લાગણી વગરનાં સંયોગો પાછળ સમય વેડફુ છું
નથી ખબર જ્યાં અર્થ સ્નેહનો ત્યાં પ્રણય વેડફુ છું
અનુસરું છું, અનુભવું છું, ખુદને હું છેતરું છું
જ્યાં મગ્ન નથી ત્યાં ફકત હું જીવન વેડફુ છું
એકલતા અને અજંપાને મહેફિલે નોતરું છું,
ભરી જામ આંસુનાં દર્દનાં ઘૂંટડા વેડફુ છું
એમ ક્યાં સુધી હાલ પૂછતાં રહેશો પરોક્ષ રીતે?
હાં બસ છું મજામાં! કહી મારુ જૂઠ વેડફુ છું
બે પંક્તિ વાંચી કંટાળતી પ્રજા વચ્ચે ઉભેલો શોખીન,
ગળું દબાવી કલમનું મોંઘેરા શબ્દો વેડફુ છું.!!
-