જાણીતા પગરવનો નો અહેસાસ છોડી,
અજાણ્યા પગરવને ને જાણીતા કરવા,
દિકરી આજે સાસરિયે ચાલી.
હૃદયના ધબકારાને જીવંત રાખી,
સાસરીયા ના પગરવ ખાળવા,
પારકા ને પોતીકા કરવા,
અજાણ્યા પગરવ ને જાણીતા કરવા,
દિકરી આજે સાસરિયે ચાલી.
સ્વપનાના સાગરને સાથે લાવી,
હૃદયમાં મોજાઓનુ ટોળું લાવી,
મનોમંથન ના વમળમાં અટવાઈ,
અજાણ્યા પગરવ ને જાણીતા કરવા,
દિકરી આજે સાસરિયે ચાલી.
સ્નેહ, સમતા,ધૈર્ય ને
આસ્થા નુ ભાથું સાથે લાવી,
આદરપૂર્વક માન પામી,
સાસરિયાં માં સમાણી,
અજાણ્યા પગરવ ને જાણીતા કરવા,
દિકરી આજે સાસરિયે ચાલી.
#અજાણ્યા પગરવ
