#ઠઠ્ઠો
નથી લખી શકતો
કવિતા
તારાં માટે
કે
તારાં કારણે,
હાથ જ થઇ ગયો છે
સાવ અવાચક
ને #ઠુઠ્ઠો
પકડી શકતો નથી
પેન કે કાગળ
તો પણ
ગાયા કરું છું
તારાં ગીતો
મારી ઢબે
તારાં કાજે
કદાચ સંભળાય
મારું આ ગાન
અને
તું આવી ચઢે
અષાઢી વાદળીની જેમ
ને વરસી પડે
મારાં પર
હેલી બની
બસ હું બેઠો છું
વગાડું છું
પાવો અને સીટી
પણ એમાં જે રુદન છે
એ નિ:શબ્દ
વેદનાની
એક જ લિપિ છે
એ તું છે
આવી શકે તો આવને
હું બારી પાસે જ
બેઠો છું
તારી રાહ જોઉં છું...
