તું હવા છે, ગગન છે, ધરા છે,
તું જ શ્વાસ છે, અને તું જ ઉશ્વાસ.
તું આન છે, બાન છે, શાન છે,
તું જ વીર છે, તુ જ ધીર ગંભીર.
તું વાદળ છે, વરસાદ છે, ઝાકળ છે,
તું જ જળ છે, અને તું જ સરોવર.
તું સાંજ છે, સવાર છે, દિવસરાત છે,
તું અજવાસ છે, અને તું જ અંધકાર.
તું તાલ છે, રાગ છે, રાગીની છે,
તું જ સંગીત છે, અને તું જ અનહદનાદ.
તું રજ છે, પુષ્પ છે, ખુશ્બુ છે,
તું જ વન છે, અને તું જ ઉપવન.
તું કોમળ છે, કઠણ છે, નરમ છે,
તું જ તાપ છે, અને તું જ આગ.
તું નાજ છે, સાજ છે, શણગાર છે,
તું જ "મહિમા" અને તું જ મસ્તકનો તાજ.
- સંગીઅખિલ 'અખો'