લાગણીનું સરનામું
પૂછપરછ તો એમજ ઘણી ઘણી કરી,
ઘર-ઘર, દ્વારે-દ્વારે એજ વાત ફરીફરી,
પૂછતો રહ્યો સરનામું કોરી લાગણીનું,
કરતો રહ્યો કારનામું અધૂરી માંગણીનું
સન્માન મળશે, એવી સૌએ જાણ કરી,
પૂછતો રહ્યો સરનામું તોયે હું હરિફરી.
પહોંચ્યો હું આખરે એક મુકામ ભણી,
લાગણીનાં ધોધની જ્યારે ભાળ મળી..
તોડી દીવાલો શબ્દોનાં નાહક કોચલાની,
જાણી મેં કિંમત વીંટળાયેલા છોતરાની..!
ખુલ્યો ત્યારે હું આખરે મીઠી ધાર જેવું થઈ,
જોયો લાગણીનો ધોધ સાગરનો આકાર લઈ ..
કુદયો, છોડી બધી વાતો ને પછી પૂછવાનું શું?
વહયો 'સંકેત' લાગણીનું એક કાવ્ય થઈ,
પહોંચ્યો મુકામ, દોસ્તીનો મીઠો આધાર લઈ..
- કેતન વ્યાસ (સંકેત)
#પૂછપરછ