શ્વાસે શ્વાસે યાદ કરુ છું તમને
પળ પળ મરુ છું તમારા વગર
આ આગ સમાન ક્રૂર મંજિલમાં
કેવી રીતે ડગ ભરું તમારા વગર
જીવન તો જીવું છું જવાબદારી સાથે
કોઇ ઉત્સાહ કે ઉમંગ વગર
મોહ -માયામાં ફસાયો છું પણ,
ક્યાંય મન નથી લાગતું તમારા વગર
હ્દયની વેદના ઠાલવું છું કલમ થકી
કોણ સમજનાર છે તમારા વગર
દિવસ-રાત ઝૂર્યા કરુ છું યાદો માં
અશ્રુ વિરહના ભરી લઉ છું તમારા વગર
"કાશ"હું પણ આવી શકતો હોત સાથે
આમ એકલું નથી જીવાતું તમારા વગર.
#મૃત
