સાવધાન રહેજે તું માનવી!
તારી પહાડ જેવી મહત્વાકાંક્ષા થી,
નીચે જેની ન કચડાઈ જાય
નાના સુંદર તારાં સપના.
સાવધાન રહેજે તું માનવી!
તારા મદથી, અહંકારથી,
ચૂરચૂર ન થઈ જાય તેમાં
નાવડી તારાં નિર્મળ મનની.
સાવધાન રહેજે તું માનવી!
મોટી પણ ખોટી દુનિયાદારીથી,
તણાઇ ન જાય તેમાં તારાં
સ્નેહીજનો નાં તાણાવાણા.
અંતરના તું દ્વાર ખોલી
નિહાળ આસપાસ તું આંખો ખોલી,
હર મોડ પર રસ્તા ના લખ્યું છે-
'સાવધાની હટી દુર્ઘટના ઘટી'.
#સાવધાની
