#સામાન
કેટકેટલો સામાન ઊંચકીને આવતા હતા કલ્પનાબેન. લગભગ ચારેક થેલા તો હોય જ. એકમાં ખાવાની વસ્તુઓ હોય તો વળી બીજામાં ફિનાઇલ, બ્લીચીંગની બોટલો તો વળી ત્રીજામાં કાંસકા, બક્કલ, બુટ્ટી અને ચોથામાં પ્લાસ્ટિક કટલરી જેવી કે કપડાં ધોવાના બ્રશ , કપડાં પર ભરાવવાની પીનો વગેરે હોય. કલ્પનાબેનના પતિને પેરાલીસીસનો એટેક આવ્યો ત્યારથી ઘરની બધી જવાબદારી કલ્પના બેનના માથે આવી પડી. શહેરના પરા વિસ્તારમાંથી પોશ વિસ્તારમાં રોજ બસમાં આવે અને વસ્તુઓનું વેચાણ કરે. તે દિવસે લગભગ ૪૫ ડિગ્રી તાપમાન માં ભર બપોરે વેદિકાને બારણે ટકોરા પડ્યા. બારણું ખોલીને જોયું તો કલ્પનાબેન. ઘરમાં બધું જ હતું પણ જે કલ્પના બેનનો સામાનનો ભાર હળવો થયો તે એમ વિચારી વેદિકાએ કલ્પનાબેન પાસેથી બે ફિનાઇલની બોટલો ખરીદી જ લીધી. સૌથી ભારે તે જ તો હતી.