જોને, આ વિચિત્રતા!!!
ઊંચી છે ઇમારતો ને, નાના છે મન!
પહોળા છે રસ્તાઓ ને, સાંકડા દૃષ્ટિકોણ!
મોટું છે મકાન ને, રહેનારા છે ત્રણ!
જોને, આ વિચિત્રતા!
સેંકડો છે ફેસબુક ફ્રેન્ડ્સ, ને એકાકી છે મન!
લાગણીની બોલબાલા ને સભ્યતાની પૉલ
લાગણી ના નામે, કેવો વેપાર ચાલે, રેલમછેલ !
જોને, આ વિચિત્રતા!
હવા છે શુદ્ધ ને, દુષિત છે મન!
આલિશાન છે મકાનો, ને તૂટેલા છે સંબંધો !
મિલકત છે લાખોની ને, “મોરલ” છે કમ!
જોને, આ વિચિત્રતા!
વાતો છે ઓછી ને, કોલાહલ છે હરદમ!
વાંચે છે વધુ ને વિચારે છે કમ!
અફવા છે જાતજાતની ને સચ્ચાઈ છે કમ
જોને, આ વિચિત્રતા!
દવાઓ છે જાતજાતની ને, તબિયત છે નરમ!
રોગ છે જાતજાતના ને દવાઓ છે કમ!
ધંધાઓ છે જાતજાતના ને, “કિંમત”છે કમ!
જોને, આ વિચિત્રતા!
વ્યંજનો છે ભાતભાતના ને, પાચન શક્તિ છે નરમ!
દવાની ગોળીયો જાતજાતની ને પરેજી છે કમ!
માણસાઈ હવે થઈ ગઈ કમ!!!
જોને, આ વિચિત્રતા!
પહોંચવું છે અંતરિક્ષમાં ને, ખબર નથી, પડોશી છે કોણ!
ભણતર છે વધારે ને, આવડત છે કમ!
શારીરીક સુખો છે વધારે ને, માનસિકતા છે કમ!જોને, આ વિચિત્રતા!
લખે છે વધારે ને, શીખે છે કમ!
આ જીવનની હરીફાઈ માં, કોણ હંમેશા રહે છે પ્રથમ!
માણસાઈ હવે થઈ ગઈ કમ!!!
જોને, આ વિચિત્રતા!
વધે છે વરસો ને, “જીવે” છે કમ!
બનાવે છે “એટમ”, તોય તોડી શકે ના અહમ!
જોને, આ વિચિત્રતા!
માણસાઈ પુરાઈ છે, પિંજરે ને, પ્રાણીઓ મહાલે છે મુક્ત!
છુપાયું છે હાસ્ય ને, આંખો છે બેશરમ!
લાગણીને બદલે, નફરત છે હરદમ!
જોને, આ વિચિત્રતા!!
Neha Desai