#વાસ્તવિક
જો ખરેખર જ નિશ્વાના પપ્પાએ પોતાની લાગવગ ચલાવી હોત તો અત્યારે નિશ્વાની પાસે સરકારી નોકરી હોત. નિશ્વાના પપ્પાના બધા જ ભાઈબંધોએ પોતાની દિકરીઓને સિવિલ એન્જીનીયરીંગ કરાવીને પોતાના જ ડિપાર્ટમેન્ટમાં નોકરી અપાવેલ પરંતુ નિશ્વાના પપ્પાએ નિશ્વાને પોતાની રીતે જ આગળ આવવા કહેલું. પછી તો નિશ્વાએ કોમ્પ્યુટર એન્જીનીયરીંગ કરીને પ્રાઇવેટ કંપનીમાં નોકરી મેળવેલ પણ નિશ્વાને એ વાતનો અફ્સોસ હંમેશા રહેલો કે જો પપ્પા ધારત તો પોતાની પાસે પણ સરકારી નોકરી હોત. પણ ખરેખર તો હવે નિશ્વાએ ભૂતકાળને ભૂલી વાસ્તવિક જીવનમાં પોતાના ક્ષેત્રમાં અને પોતાને મન ગમતી પ્રવૃત્તિ માં આગળ વધવું જ રહ્યું.