#ખોટું
"જોજે ખોટું ના લગાડતી, તું તો સારું જ કામ કરે છે. હું તારા માટે ખરાબ બોલ્યો જ નથી પણ મારી સાથે જે બીજી છોકરી કામ કરે છે તેના માટે હું બોલ્યો હતો. તો પણ તને વિશ્વાસ ન આવતો હોય તો તું કે એના સમ ખાવા તૈયાર છું." આવું પ્રતીક તેની સાથે કામ કરતી પલકને કહી રહ્યો હતો. હકીકતમાં તો પ્રતીકને પલક માટે ફૂણી લાગણી હતી. પણ પલક કેમેય કરીને ભાવ આપતી ન હતી. એટલે એ ઓફિસમાં બધાના મોઢે પલકનું ખરાબ બોલ્યા કરતો. એક વાર પલક પ્રતીકની વાત સાંભળી ગઈ અને એણે પ્રતીકનો બરાબરનો ઉઘડો લીધો ત્યારે પ્રતીક ગભરાટનો માર્યો ખોટા સમ ખાવા તૈયાર થઈ ગયો. જો કે પછીથી તેણે ઓફિસમાં પલકનું ખરાબ બોલવાનું છોડી દીધું.
