#શાંત
શાંત તેની આંખોમાં કેટલીય ઉથલપાથલ હતી...
કારણ લગ્નની તૈયારીઓ નજરો સામે રમતી હતી...
આંખોમાં અરમાન ઘણા ને પ્રશ્નોની કતાર હતી
સ્વતંત્રતા છીનવાશે કદાચ એવી તેને ભીતી હતી...
માતા-પિતા ને છોડીને દૂર જવાથી ડરતી હતી
ભાઈ સાથે કરેલા તોફાનની પળો એ ગણતી હતી...
ભાવિ ભરથાર મિત્ર સમો છે એ જાણતી હતી
છતાંય કેમ જાણે મનોમન સંવાદ એ કરતી હતી...
પિતાના શાંત હ્રદયના તોફાનને ય સમજતી હતી
વિદાયની વેળા તો દિકરી માટે ય કયાં સહેલી હતી...
નાનપણથી જ તે ઘરમાં બધાને પ્રશ્ન કરતી રહી
શાને ફક્ત દીકરી ત્યજે પિયર દિકરો કેમ નહિ???
kittu
