દૂર દૂર વાગ્યું આજે દખ્ખણમાં ઢોલ નગારું,
પવન થયો તોફાની આજે ધરતી ડોલાવવા મજબૂર.
વરસાદ પણ આજે વરસી રહ્યો અનરાધાર,
જાણે નીકળ્યો ધરતીની બુઝાવવા પ્યાસ.
મીઠી મીઠી નદી બની વહે ગાંડીતૂર,
દોડી રહી પોતાના ખારા પ્રેમને મળવા આતુર.
વરસાદ વરસે આજે સાંબેલાધાર,
ફટાકડા જેવા વાદળાં કરે ગગનમાં ગડગડાટ.
આકાશે ઓઢાડ્યું ધરતીને લીલું પાનેતર,
રૂપ ખીલ્યું છે આજે ધરાનું જાણે નવિશી પરણેતર.
આભનો પ્રેમ વરસ્યો ધરા પર બની વરસાદ,
એ ન કરે વાદળોની જેમ પ્રેમમાં તકરાર.
નિમિકા.
#તોફાની