હું સવાલ કરું,તું જવાબ થઈને આવે,
તું મારા જીવનમાં છવાયેલા અંધકારમાં પ્રકાશ થઈને આવે.
હું કરું તને યાદ ,ને તું રૂબરૂ થઈને આવે,
મારા જીવનની પાનખરમાં તું વસંત થઈને આવે.
અટવાઈ છું, વિરહના ઘૂઘવતા દરિયામાં,
તને સાદ પાડું તું કિનારો થઈને આવે.
નિખાલસ પ્રેમ કર્યો છે મેં તને ,
તું આડંબરનું આવરણ છેદીને આવે.
પૂરવી છે રંગોળી તારી જોડેની ભાવિ જિંદગીની,
તું રાતમાં સોણલું સ્વપ્ન થઈને આવે.
સાંભળવી છે વાતો તારા મુખે નિમિકાને આપણા પ્રેમની,
તું કર્ણમાં ગુંજતું મધુર સંગીત થઈને આવે.
નિમિકા.
#પ્રકાશ
