જવું તો જવું  ક્યાં! મગજમારીમાંથી,
નથી શ્વાસ છૂટતા  એમ  ઉધારીમાંથી.

છો  ઠોકી રહ્યું  ચાંચ  પંખી  નીકળવા,
ન  ઉડી   શકે   આશની   બારીમાંથી.

કપાયાં  જે   વૃક્ષો  ન  રડતાં  કદી એ,
છતાં   બુંદ   ટપકે છે કેમ આરીમાંથી!

જરા સાપ માળા નજીક આજ સરક્યો,
ન આવ્યો પછી રવ એ  કિકિયારીમાંથી.

"આ રોટી છે  કાચી."  કહીને  જે  ફેંકી,
ધરાઈ   કીડી એની   કિનારીમાંથી.

પોતાનાં જ કર્મે ફસાયું છે હરણું!
નથી છૂ..ટવા....નું...! મહામારીમાંથી.

નથી સારું મળતું ને નબળું ન ફાવ્યું,
બચી ગ્યો છું "આર્યમ્" આ બેકારીમાંથી!


"આર્યમ્"

Gujarati Poem by Parmar Bhavesh : 111439601

The best sellers write on Matrubharti, do you?

Start Writing Now