#ન્યાય
રાહતનો પતિ તો લીવ ઇન રીલેશનશીપ માં પરપ્રાંત ની યુવતી સાથે રહેતો હતો. આ બાજુ રાહત પણ પોતાના જીવનમાં આગળ વધવા માંગતી હતી. પણ છૂટા છેડા લીધા વગર એની સાથે લગ્ન પણ કોણ કરે? એથી જ તો ક્યારેક રીક્ષામાં તો ક્યારેક બસમાં , ક્યારેક તીવ્ર ગરમી તો ક્યારેક ઠંડી, છૂટા છેડાના કેસમાં મુદત પડે એ દિવસે રાહતને કોર્ટમાં પોતાની નાની દિકરી સાથે હાજર થઈ જ જવાનું. કોર્ટમાં કોઈક ને કોઈક કારણસર કેસ ખેંચાયા કરતો હતો. પણ રાહત જેનું નામ , એક દિવસ ચોક્કસ ન્યાય મળશે એ જ આશા સાથે એ છેલ્લા ત્રણ વર્ષથી આમ જ કોર્ટના ચક્કર કાપે છે.
