માતૃદિન નિમિત્તે 🙏🙏
ગઝલ#
માં તને જે ક્ષણે ગુમાવી છે
બદનસીબી ગળે લગાડી છે
જે ઘરે સૂર્ય અસ્ત ના થાતો
ત્યાં તમસ કાયમી સમાણી છે
આંચકી ગ્યો સમય એ પાલવને
ટેવ વ્હેલી મને મુકાવી છે
ગોદ રોવા મળી નહીં તારી
આંખ આ ત્યારથી સુકાણી છે
તૂં ગઈ સંગ બાળપણ લઈને
પીઢતા એ મને મઠારી છે
ઘાત પાછી હટી દુઆ સામે
હાજરી આમ તે પુરાવી છે
ભલભલા ઘાવ ને સમય સાંધે
ચોટ મારી હજુયે તાજી છે
છોડ સીંચ્યો તે રકતથી તારા
આજ એ છાંયડી બધાંની છે
શુદ્ધ મમતા એ ના મળે પાછી
પ્રેમમાં ભેળસેળ જાજી છે
મારું અસ્તિત્વ અંશ તારો છે
ના સમજ, તું મને ભુલાણી છે
ચાહત
