પર્યાય...એકબીજાનો !!
કરવુ શું હતું ને થઈ ગયું શું,
શમણું પત્યુ નહી ત્યાં સવાર થઈ ગયું.
હજારો સપનાંઓ હોય છે એક દીકરીના પણ,
શું એ સ્ત્રી બનતા થોડા પુરા થાય છે??
પરાયા ઘરમાં ભળવાનો સ્ત્રીનો વણલખ્યો કાયદો,
ક્યારેક એની પણ સંવેદનાઓ કુણી નંદવાય છે!!
એક પુરુષ પણ નથી ઓછો પીસાતો,
સંબંધોરૂપી એ મહાસાગરની ભરતીને ઓટમાં.
આખી જિંદગી લાગણીઓ ધરબાવે છે,
આંસુને પણ એ પાંપણોમાં છુપાવે છે.
સ્ત્રી પુરુષ છે ગાડીનાં બે પૈડાં,
આપે જો એકબીજાને સન્માનરૂપી પ્રેરણા.
જીવનનૈયા તો બધાંની ચાલે છે,
પતિ પત્ની જો બને પર્યાય..એકબીજાના,
જિંદગી અહીં જ સ્વર્ગ બની જાય છે!!
ડૉ.રિધ્ધી મહેતા"અનોખી"
***************
