#કાવ્યમહોત્સવ૨
આ વિચાર જરા ઠીક લાગે છે,
કે મને મારા જ પડછાયા ની બીક લાગે છે.
વાત હોય છે જુદી રાત્રિનાં અંધકાર ની,
અહીં તો દિવસના જ અજવાળા ની બીક લાગે છે.
આમ તો તરી લવ છું દરિયો સાવ કોરો,
પણ,ક્યારેક ઝાકળ ના છંટકાવ ની પણ બીક લાગે છે.
નથી ડર મને મૃત્યું ને ભેટવાનો પણ,
બંધ આંખે ક્યારેક સપના જોવાની પણ બીક લાગે છે.
હામ છે ભરેલી આખી દુનિયાને જીતવાની,
પણ,પોતાનાઓની સામે હારવાની બીક લાગે છે.
આ દુનિયા છે એટલી મતલબ અને સ્વાર્થની,
કે હવે ખુદથી પણ છેતરાવાની બીક લાગે છે.
લાગણીઓ તો છે કંઇક ભરેલી મનમાં પણ,
ક્યાંક દુભાય ના જાય એટલે કહેવાની બીક લાગે છે.
હિરલ પરમાર
