#KVYOTSAV -2 पाऊस आणि ललना !
पाऊस आणि ललनेचा
सारखाच असतो खेळ
भुलवती खेळवती आस लावती
प्रसंगी दडी मारून बसती |
जाता त्यांचा रूसवा काढाया
हसत नाहीत दिसत नाहीत
दुरून डोंगर साजरे दिसती |
या या म्हणता येत नाहीत।
आले आले म्हणता
धिंगाणा कसा घालती
पळती कोसळती चहूकडे
दुरावा क्षणात नाहीसा करती |
जलधारा बघा कशा कोसळती
ललनेच्या प्रेमा येई भरती
कंटाळा ना बघा कुणा येई
सृष्टी सारी आनंदे डोलू लागे |
प्रसन्न असता रमणी
प्रेमाचे येई भरते
क्षणभरात होती निष्ठुर दोघे
अंधार पसरे चोहीकडे |
विश्वासू नये दोघांवर
विश्वासघातकी दोघेही
कृञिम पर्याय पावसासाठी
ललनेसंगे चाले न तेही।
****
(नागेश सू शेवाळकर)
फ्लॅट क्रमांक ११०,
वर्धमान वाटिका फेज ०१,
क्रांतिवीर नगर लेन ०२,
संचेती शाळेजवळ थेरगाव, पुणे ४११०३३
संपर्क 9423139071.