बदकाचे तळे
तळ्याच्या काठाला मनीमाऊ बसली
बदके पिल्लं पाहून गालातच हसली
पिल्लू येताच जवळ रडायला लागली
पिल्लाला आणखीनच काळजी वाटली
मनीमाऊ तुला रडायला काय झालं
डोळ्यामध्ये तुझ्या पाणी का आलं
काय सांगू बाळा काटा लागला
काढायला जाता मी आतच गेला
येशील का रे बाळा मदत करायला
जरा येऊन बस इकडे या काठाला
धूर्त मनीमाऊ गालातच हसली
पिल्लाला तिची मनिषा कळली
मनीमाऊ गुज तुझ्या मनीचे कळले
असे म्हणत पिल्लू हळूच निसटले
बालकविता-सुचिता प्रसाद घोरपडे
